CDF Nih Pu Biak Ceu An Kah Sual Mi Ruang Ah Kan Kah Sual Tiah Chim An I Tim.

December 18 zinglei deika hrawng ah Hranhring khuami Pu Biak Ceu cu CDF Hakha nih an kah sual caah a nunnak a liam tiah theih a si.

Pu Biak Ceu an kah sualnak a ruang bik cu December 17 zanlei mui lai hrawng ah Hniarlawn thar pawng hrawng ah ralhrang nih meithal an puah lengmang, cun Pu Biak Ceu le a nupi zong hi Hniarlawn thar ah cun ralhrang nih sau nawn an hren hna hnu hna an thlah than hna tiah Lung Thli Tum nih a langhter.

Cu caah Hniarlawn Thar pawng hrawng a ummi CDF pawl zong ralhrang meithal puah mi le an i hrocer ruang ah an i ralring ngaingai, an i ralrin tuk lio ah Pu Biak Ceu le a Nupi cu motorcycle in an rat tik ah ralhrang ah kan ruah sual hna caah kan kah sual mi a si tiah an ti. Pu Biak Ceu cu a nunnak a liam ii a nupi balte cu him tein a um tiah kan theih.

CDF chungtal pakhat hmurka in kan theih mi cu Hranhring khua Pu Biak Ceu a chungkhat, sahlawh rualchan sinnah minung kan i palh sual tiah chim ding kal kan i tim ko tiah a chim.

A tu bantuk in minung palh sual in kahmi cu Pu Biak Ceu chungkhar le Hranhring khuami hna nih zaangdam tein an ngaihthiam ko hna lai tizong mipi ruahchannak an ngei.

Be the first to comment on "CDF Nih Pu Biak Ceu An Kah Sual Mi Ruang Ah Kan Kah Sual Tiah Chim An I Tim."

Leave a comment

Your email address will not be published.


*