CDF- Hakha In CDF-Senthang An Chuah Thannak A Ruang Theih Tawk.

CDF-Hakha in CDF-Senthang an chuah thannak a ruang theih tawk kan rak langhter.

CDF-Hakha nih cathanh an chuah ni tlawmpal te lawng a rauh ah CDF-Senthang kan dir tiah cathanh an hun chuah ve hi mipi nih theih dih cio a si bantuk in CDF-Hakha in Senthang CDF an chuah thannak a ruang bik cu ram thumnak um Senthang peng mifim zer deuh pawl an si tiah min langhter a duhlo mi Senthang peng khua pakhat ah khua bawi a rak tuan bal cang mi nih a chim.

Lai lei um Senthang CDF hruaitu deuh pawl zong kha ram thumnak ummi pawl nih an forhfial lengmang hna tiah a nawlh rih. Ram chung ummi khua upa cio zong kan thinlung a khat kho dihlo, Hakha CDF ah hin Hakha peng poh cu i funtom ko hna usih tihi kei nih cun ka duhnak cu a si. Nain, a tu bantuk in Mino hna cu Ram thumnak lei in hon chawnh le forhfial an si tik ah an chuahnak hi a si tiah a chim.

Cun, ka ruahnak ah Ram dang in bomhnak hi CDF-Senthang min tein um kho ve sehlaw tihi Lailei um khua nu khuapa le CDF hruaitu upa hna nih an duh fawn mi cu a si tiah a nawlh than. Kan ral teinak ding tu ah cun kan lung aa rual ko tiah a chim.

A tu bantuk in CDF-Hakha in CDF-Senthang an chuahthan mi hi mipi lungkuai le lungdong in um hrim hna hlah usih. Kan ral tei khawhnak ca tu ah a lam kip in tei an rial ruang ah a si ko. Zei bantuk min in kan dir zong ah kan dohmi ral tei khawhnak a siah cun i lawm ko hna usih.

 

Be the first to comment on "CDF- Hakha In CDF-Senthang An Chuah Thannak A Ruang Theih Tawk."

Leave a comment

Your email address will not be published.


*