Thing Mansung A Firmi Minung 16 An Tlaih Hna.

December 1, Sagaing ram Kani peng chung ah minung 16 nih mawtaw ngan 5 in thing man ngei an fir caah tlaih an si.

A tutan an firmi thing hi a dihlak ah ting 200 man hrawng a si tiah theih a si. An fir lio ah Khua mi hna nih an hmuh hna ii Kani PDF pawl sinah a rannak in an report cawlh hna caah Kani PDF nih cun an tlaih hna tiah thawng theih a si.

A firtu hna cu minung 16 an si ii an dihlak tein an tlaih hna. Ni tlawmpal an hren leng hna ah bia phunphun an hal rih hna hnu ah an dihlak tein Kani PDF nih cun an thlah than hna tiah theih a si.

Minung cu an thlah hna. Nain, thing an firmi cu an chuh dih hna tiah khua mi sin in theih a si. Hi hnu ah nan fir rih a siah cun a herh ning in dantat nak kan in tuah leng hna ah nan nunnak ca tiang ah thinphang a si lai tiah PDF nih cun an ti hna tiah theih a si.

Be the first to comment on "Thing Mansung A Firmi Minung 16 An Tlaih Hna."

Leave a comment

Your email address will not be published.


*