Thantlang TCBC Biak Inn Telh In Inn 50 Hrawng A Kang

Thantlang TCBC Biakinn Telh in Inn 50 Hrawng a Kaang
———-
Nizaan November 24, zaanlei sml. 2:00 hrawng ah Thantlang khuachung ah inn an kaang tthan i nihin zinglei tiang ah Zunghmun sang i Thantlang Centenary Baptist Church (TCBC) biakinn telh in inn 50 hrawng a kaang tiah kan theih.

Zunghmun sang ah biakinn telh in inn 39, palik sakhaan thlanglei ah inn 10 le Seihpyozi sang ah inn 3 hrawng an kaang, tiah Thantlang mino upa pakhat nih Khonumthung ah a chim.

Atu ah cun mei a ciam cang i meikanghnak mei khuvai lawng an taang cang.

September 9 thawk in nihin ni tiang ah Thantlang ah biakinn 3 telh in inn 250 leng a kaang cang.

Crd:The Chin Journal

Be the first to comment on "Thantlang TCBC Biak Inn Telh In Inn 50 Hrawng A Kang"

Leave a comment

Your email address will not be published.


*