A Rannak In Vaurawng Zunthil Nih Tuah Kho Hna Sehlaw A Tha Tuk Hnga By Salai Sang Bawi

A Rannak In Vaurawng Zunthil Nih Tuah Kho Sehlaw A Tha Tuk Lai.

Atutan kan Dothlennak zoh lengmang tik ah Mino hna kan cawlcangh ning hi a mak kho tuk, a tha kho tuk, el awk thalo bak in a tha timi cu a hopoh nih kan hngalh ii kan hmuh dih mi a si. Hi lio caan ah thluak tawl khawhmi Mino kan rak um ve hoi, a luan cia thla zeimawzet ah khan Hakha le Falam, Thantlang le Zophei, Mira ti bantuk khan online in kan rak aukhuang pah hna. A au mi hna cu thluak tawl khawhmi minung kan rak si diam. Minung pakhat nih na thluak tawl an timh tik ah a cal thahri zong pawt dihlak in khua a ruah hmasa. Cu vebantuk in mino hna zong nih a dik le a dik lo cuai thlainak ah kan thluak hi hman a hau cang. Thluak tawl khawhmi mino cu zei tik hmanh ah minung ngaingai an i chuah ballo.

Min Aung Hliang ralhrang a cihmih khawhnak ding ah cun kan lung aa rual hmasa a herh bak in a herh mi a si. A luan cia tuanbia ah kan kir than sual a siah cun Falam, Hakha, Thantlang le Tidim tiin kan i then thai lai ii cucu sullam a ngei hnga lo. Minung poh nih tuanbia kan ngeih, tuanbia thalo cu chim tilo, i nun pilo, hloh lawlaw ah a tha bik. A tutan Dothlennak ah hin kan tuanbia kaltak ta in lungrual tein hmai nor ding hi a biapi taktak mi cu a si.

Lungrual tein kan um khawhnak hnga ding le Dothlennak ah teinak kan hmuh khawhnak hnga ding lam cu tampi kan chim lai lo. A ruang cu kei mahnak in a hngal deuh le a thei deuh an um ko caah a tha bik in an tawlrel cuahmah ko. Hi ral hi kan sungh sual a siah cun Chin mi caah cun kan nung nain mithi kan sicang lai. Chin mi timi hmanh khi a um ti lai lo. Cu caah Hakha, Falam, Thantlang le Tidim ti bantuk ah lungrualnak ser a hau hrimhrim ko tiah ka hmuh.

Zeitin dah lungrualnak cu a thar in kan hun ser than lai tiah biahalnak um sehlaw Vaurawng Zunthil nih khua khang hna seh tiah ka leh hna lai. A ruang cu Vanrawng Zunthil hi an kalpi mi le an thil tuah zoh tik ah mipi nih kan i hngatchan bik mi hna an si ko rua tiah ka ruah ii ka hmuh mi a si. An tuah khawh lai tizong ah ka zumh.

Vaurawng Zunthil nih hin thil sining a hngalmi le kan i bochan ngaingai mi hna Mino, Salai David Nun Tho, Salai Ceu Bik Thawng, Salai Ram Tin Thei, Rev. Thawng Tha Thang, CNO/CNDF le CDF Hakha an hruaitu pakhat (or) pahnih hrawng ti khin thlakhat ah voikhat tal in maw a silo ah thla hnih voikhat tal in maw Vaurawng Zunthil ah hin tonternak le bia ruahnak kan ngeihter piak kho hna sehlaw kan dothlennak ah teinak a kan pe kho tu thil tha ngaingai a si ko lai dah tiah ruahak fate he Salai Sang Bawi.

Crd: Voice of Chinland

Be the first to comment on "A Rannak In Vaurawng Zunthil Nih Tuah Kho Hna Sehlaw A Tha Tuk Hnga By Salai Sang Bawi"

Leave a comment

Your email address will not be published.


*