South East ASia UNHCR , Malaysia Le Delhi, UN Card A Tlaih Mi Hna Caah Thawngtha

South East Asia UNHRC, Malaysia le Delhi, Chin Mi UN Card Ai Tlaih Mi Hna Caah Thawngtha.

South East Asia ah cun Delhi, Thailand le Malaysia ah UNHRC in ramthum nak lanhnak lam a um. Delhi, Thaland le Malaysia um Chin mi caah thawngtha pakhat a chuak.

November 21 ah Chin TV International nih Pu Zo Tum Hmung cu bia ruahnak an ngeih. Hi bia ruahnak ah hin a bik in Delhi, Malaysia um Chin mi refugee minung ca deuh ah bia ruahnak an ngeih hi a si.

Hi bia ruahnak ah a bik in a chim mi cu Ram hnihnak, Malaysia le Delhi ummi hna caah a si bantuk in thawngtha ngaingai a kan chimh. US cozah nih 2021 ah South East Asia refugee thong 15 ka lak lai tiah a chim. South East Asia refugee a lak ding mi hna ah hin Chin mi minung pa zeizat hrawng dah kan i tal kho hnga tiah bia halnak a um. Nain, ka thei bak lo a ti. Amah balte UN card ai tlaih nak a sau cangmi le Immigration (Lah-Wuah-Kah) a kal cangmi pawl hna caah cun 2022 chung hi cu Ram thumnak an lanh khawhnak ding lam kau taktak aum a ti. An nih pawl caah hin cun thawngtha bak a si ko tiah a chim.

2013 lio card/catlap chuh mi minung hna zong UN nih an auh than hna lai, an auh tik hna ah case kha special tein remh ii mah le Community sin ah kal hmasa ah a tha bik. A ruang cu an mah nih ruahnak an chimh mi hna kha a dik mi a si lai tiah a ti.

Thawngtha taktak a kan nolh piak than rih mi cu US Cozah nih kumkhat ah ting 1 le thong 25 ka lak lai a timi leng ah reserve (a hlei) chiah mi thong 10 a um. Mah thong 10 cu Chin mi kan zawn ruah ko uh tiah kan nawl hna tiah a chim. An kan pek lai le pek lai lo cu hohmanh nih theih khawh a si rih lo tiah a ti.

Be the first to comment on "South East ASia UNHCR , Malaysia Le Delhi, UN Card A Tlaih Mi Hna Caah Thawngtha"

Leave a comment

Your email address will not be published.


*