Nau Pawi Lio Mi He Minung 5 Bak Thah An Tong

Sagaing ram then Dipayin  Myo,  Ta Yar Aye khuachung ah tu zingka dei lei ah innchungkhar nau pawi lio telh in minung 5 thah an tong tiah sang mi nih an chim tiah thawng kan theih.

Dei lei nazi 3 ah a cang mi a si i chungkhar pa 6 khuasa an si,Mah chungah nau pawi lio a thla cang cang mi he pa 5 an thah hna. Pakhat cu hmundang ah aum ruangah a luat tiah an sang mi nih an chim tiah kan theih.

Tu tiangah cun zeiruangah dah thah an si ti mi thawng fiang theih khawh a si rih lo. Thah atong mi pa 5 lak ah meithal kahnak kuan hma in a thi mi zong an um tiah an chim.

An thah ning hna cu a fak taktak. Nam in a hngawng an hleh mi zong an um meikhal kah mi zong an um cun nam in can mi zong an um i cun pakhat cu a hngawng an tan i a lei zong a chak dih tiah an chim. Cu pin ah an thilri ngaihchiah an lak i phaisa an lak mi hi ting za leng a si tiah an chim chap.

Tu bantuk thil a cang mi he pehtlai in DPDF( Dipayin People’s Defence Force) le khuami pawl he i bawm in thil sining hlat an i tim tiah kan theih.

Sagaing ram, Shewbo district Dipayin Myo chungah Ralhrang nih hram hram in uknak an lak hnu ah september 6 ah Naung hle khua ah siseh, October 5 ah Sinwakone khua ah siseh,October 18 ah Ma kyesauk khua ah siseh, October 26 ah Sai Pyin khua  hna ah ruak hnih cio in thah an rak si bal cang tiah the Irrawaddy nih an langhter.

Be the first to comment on "Nau Pawi Lio Mi He Minung 5 Bak Thah An Tong"

Leave a comment

Your email address will not be published.


*