Rithai Sii A Zuar Mi Pathum Cu PDF Kalay Nih An Thah Hna

Kalay Myo khuachung ah rithai sii a zuar mi minung pathum cu PDF Kalay nih an thah hna tiah thawng kan theih.

Novenber 22 zanlei nazi pathum hrawngah inn pakhat ah PDF ralkap 6 cu an lut i rithai sii a zaur mi nu va hna cu an thah dih hna in an chuak tiah kan theih.

An pa bik cu rithai sii zuar ruangah thawng inn voi hnih tiang a tla bal cang mi a si. An ruak cu an vui cawlh hna. Mah nupa hna nih fa pa 2 le fanu 2 an roh taak hna tiah kan theih.

Cun November thla 7 lio zongah Phytawta a hmai lei Nanchaung khua zongah kum 37 a si mi rithai sii zuar ruangah An tlaih i hmundang ah an kalpi hnu ah PDF Kalay nih an rak thah i a ruak cu khuami hna nih an rak vui cawlh ti zong kan theih chih.

Kum 37 a si mi pa nih rithai sii ka zuarmi cu ralkap nih an ka fialmi a si.An ka tlaih ahcun khua vialte mei in ka kangh dih lai i ralkap pawl zong ka auh hna lai tiah khuami pawl a tlerh hna ti zong kan theih.

PDF Kalay nih October thla lio te khan Kalay khuachung i rithai sii a zuarmi pawl ralrin an rak pek cang mi a si tiah Zalen nih an langhter.

 

Be the first to comment on "Rithai Sii A Zuar Mi Pathum Cu PDF Kalay Nih An Thah Hna"

Leave a comment

Your email address will not be published.


*