Hakha Zong Ah Mei Thah Piak Le Meter Box Bawngh Piak A Si Kho.

A rau lai lo Hakha zong ah Meter Box bawngh piak le meithah piak kan si cawlh ko lai. Mizei dah kan si tizong ai hngal cawlh ve lai.

Kawl rawn ah cun meter box bawng piak le meihri chah piak an si cang hna. Chah piak mi le bawngh piak mi minung hna cu ralhrang uknak tang ah mei man kan pe kho lo a timi pawl kha an si.

Mandalay ah cun a luan cangmi November 9 ah khan mei man a pe duh lomi le Company thatha a ngei ii mei man a tun lomi pawl kha ralhrang nih an auh hna tiah theih a si. Caan a hun kal deuh ii November 20 ah cun mei man a pe duh lomi poh cu meter box bawngh piak le meihri chah khanh an si tiah kan theih.

Ralhrang nih mei man a pe duh lomi poh cu mei nan hmu ti lailo tiah thawng thanhnak zong an tuah cang tiah kawl media pakhat nih cun a langhter.

Mandalay, Kawl lei ah cun Company ngan deuh le dawr ngan deudeuh timi pawl cu November 20 ah an auh than hna ii mei man a pe lomi poh cu ralrin an pek hna tiah irrawaddy nih a tial. Auh mi minung hna nih hin mei man pek lai le pek lai lo cu fiang in hngalh a si rih lo. Nain, an pek ko lai ti hi mi tam deuh nih zumh a si.

Hakha zong a rau lai lo ralhrang lei in auh le mei hrawh piaknak caan a phan cawlh lai tiah chim khawh chung a si. A ruang cu hmundang ah ralhrang nih an tuah cuahmah lio a si. Hakha ah ralhrang nih mei man na pe lai maw pe hlah kan ti hna sehlaw nang na pe lai maw? Bawngh piak mi le hrawk piak mi kan si zong ah ralhrang  an sunghnak ding a siah cun a poi tuk hme maw? Mi rum deuh le thil tikho deuh pawl kan zia le kan sining cu a lang ve te lai.

 

Be the first to comment on "Hakha Zong Ah Mei Thah Piak Le Meter Box Bawngh Piak A Si Kho."

Leave a comment

Your email address will not be published.


*