Kalay PDF Biak Rem Chin, Sui Khar Fanu Muidawh Mifim Mangtha Tiah Kan In Cah Duh Rih Lo.

Biak Rem Chin Kalay PDF, Sui Khar Fanu Ralhrang Nih An Thahnak Theih Tawk.

Biak Rem Chin hi kum 23 a si. A pa min ah Sui Khar a si tiah kan theih. Nain, CNA Sui Khar a sile silo fiang in kan hngal lo. A pa min cu Sui Khar a si tiah Sung Sung nih live thlahnak in a chim. Kalay PDF 2, We Donate Medical Team timi group ah a um mi a si tiah Kalay PDF nih an chim.

November 16 ralhrang nih Kalay PDF sakhan an luh hnawh hna lio ah an thahmi hna mimung pathum ah Biak Rem Chin hi ai tal. Nain, November 18 lawng ah PDF nih a ruak an vui tiah kan theih. Biak Rem Chin cu Tahan um Mizo hna nih mangtha kan in cah siang rih lo, kan in bochan duh tuk rih, nangmah lo cun kan si khawh tung lai lo tiah RIP tiin cathanh zong an chuah. Tahan Mizo minung zong nih an rak i bochan taktak mi, mifim, muidawh, khuaruat kho le ram dawtu a si tiah an ti.

Ralhrang nih Biak Rem Chin an thahnak a ruang bik cu kan laimi Falam peng Zangiat (or) Zaniat lei minung Dalan ruang ah a si tiah an chim. Biak Rem Chin thihnak lawng silo in PDF minung pahnih zong, Zangiat Dalan ruang ah a si tiah kan theih.

Hi Dalan hi PDF zong nih an theih cang caah PDF sinah ngaihthiam a hal a hau tiah Sung Sung nih a chim.

Be the first to comment on "Kalay PDF Biak Rem Chin, Sui Khar Fanu Muidawh Mifim Mangtha Tiah Kan In Cah Duh Rih Lo."

Leave a comment

Your email address will not be published.


*