Pathian Riantuan Pastor Pakhat Kawl Ralhrang Ralkap Nih A Kan Thah Piak Than

Lung a fak tuk ti leng chim ding um ti lo. Pathian sin ah lungdai hnangamten i din ko kun mu. Matupi Peng Khuate pakhat ah Pathian rian a tuan cuahmah lio mi Pastor pakhat cu Ralhrang nih an tlaih i an thah beh tiah thawngtheih a si.

Chin Ramkulh, Matupi Peng, Nga Lai Khua ah Pathian riantunan Pastor Ngai Kung cu Ralhrang nih an tlaih hnu ah an thah beh tiah thawngtheih a si.

September 23 ah khan Ralhrang pawl nih Khua mi Pastor Ngai Kung telh in an tlaih mi hna dang zong an um. A dang an tlaih mi hna cu an thlah than hna nain, Pastor Ngai Kung cu an thlah ti lo i, a thi cang tiah Chungkhar lawng thawngthanhnak an tuah hna.

“Chungkhar nih Ralhrang sin in Pastor pa a thi cang timi lawng thawng an theih. Zeitin a thih timi le zeiruangah dah a thih timi zeihmanh fiang in an thei kho lo. A tu hi a Ruak hmanh kan hmuh khawh lai le hmuhkhawh lai lo a fiang rih lo tiah” Khua mi sin in thawngtheih a si.

Khit Thit Media

Be the first to comment on "Pathian Riantuan Pastor Pakhat Kawl Ralhrang Ralkap Nih A Kan Thah Piak Than"

Leave a comment

Your email address will not be published.


*