Hakha Khuathar Kahdohnak Thawngpang Theih Fian Khawhmi.

November 17 ah thawngpang fiang ngaingai in kan theih ko nain, a dih um x in kan hngalh khawh thlu ve lo ruang ah kan theih tawk thawngpang cu kan rak update ve ko.

Nizan, November 16 zan ah Hakha khuathar lei sang ah ralhrang le CDF Hakha ii kahdohnak a chuak. Hi kahdohnak ah ralhrang lei a thimi an um le um lo cu kan thei lo tiah CDF lei nih an chim. Nain, hliamhma a tuarmi cu an um lai tiah kan zumh tiah an chim.

Hakha khuarthar sang a ummi minung pakhat nih a chimnak ah cun an i kahdoh dih hnu ah Inn pawngkam kan zoh tik ah thi a luang mi le zenthong a lawmgmi tampi kan hmuh tiah a ti.

CDF lei nih an chimnak ah cun kan i kahdoh hi muika hrawng a si caah a thimi kan thei hna lo. A thimi zong um khawh a si. A ruang cu a thli tein kan pel hna i kan kah mi hna a si ruang ah hmui fiang nawn in kan kah khawhmi hna zong an um tiah an chim. CDF lei in a hliammi an um lo tiah kan theih.

Nizan November 16 ah cun Kohkun pawng ah ralhrang nih Caw pakhat cu ril lak in an kah. CDF minung ah kan ruah sual caah kan kah mi a si tiah an chim. A ngeitu nih Market bantuk sathat sin ah ting 4 in a zuar tiah Kohkun sang um minung pakhat nih cun a chim.

Be the first to comment on "Hakha Khuathar Kahdohnak Thawngpang Theih Fian Khawhmi."

Leave a comment

Your email address will not be published.


*