Kawl Ralhrang Ralkap Bom Hmanh Mi Nih Kan Chin Mi Minung 5 A Tlawmbik A Thah Cang Hna

Kawl Ralhrang Ralkap nih hramhram in Nawlngeihnak an lak hnu ah Chin Ram chungah Bom tampi an hmanh mi a um i, cu Bom an hmanh mi aa lamh sual i, a thi mi Chin Mi chung in a tlawmbik Minung 5 an si tiah Kawl Thawngzamh ngan Mizzima nih a langhter.

Bom puahnak in a thi mi tamdeuh hi Mindat in an si. Mindat ah Minung 3 a thi mi an si. Kanpetlet ah Minung pakhat a thi. Matupi ah Minung pakhat a thi.

May Thla a dih hrawngah khan Mindat he Meng 10 hrawng aa hlatnak ah Bom a puak i, Mindat Mipi chung in Minung 2 an nunnak a liam. June 24 ah khan Mindat Mipi chung in Minung 1, Mino Kum 13 cu Lo a kalnak ah Bom aa lamh sual i a nunnak a liam tiah theih a si.

August 23 ah khan Kanpetlet ah Pengsen a la cang mi Palek pakhat cu Pengsen lahkhah a chuah a tinpah ah an inn pawngte bak ah khin Bom aa lamh sual i a thi.

October 16 ah khan Matupi Myone ah Minung 1 cu a  Dum a kalpah ah Bom aa lamh sual i a nunnak a liam.

Credit: Mizzima

Be the first to comment on "Kawl Ralhrang Ralkap Bom Hmanh Mi Nih Kan Chin Mi Minung 5 A Tlawmbik A Thah Cang Hna"

Leave a comment

Your email address will not be published.


*