An Zaamtak Mi Inn Le Lo A Rak Bih Ta Ralzaam Cheukhat Kawl Ralhrang Ralkap Nih An Tlaih Hna i An Hrem Hna

Shan Pyine, Mone Koe Myone, Pogon Khua mi hna cu Kawl Ralhrang Ralkap ruangah Inn le Lo an chuah tak i, Ralzaam dirhmun in khua an sa hna. Nain, October 14 ah khan Pogon Khua mi cheukhat cu an zaamtak mi an Inn le Lo va zoh ding in an Khua ahcun luh an i tim hna. Cu ahcun Kawl Ralhrang Ralkap pawl nih Inn le Lo rak zoh aa tim mi Ralzaam cheukhat cu an tlaih hna i, an vuak hna tiah theih a si.

Pogon Khua ah Kawl Ralhrang Ralkap le Mipi Ralkap an i tuk kahnak ruangah Pogon Khua Mipi pawl nih an Inn le Lo an zaamtak nak a ruang a si. October 14 ah khan Pogon Khua mi cheukhat cu an zaamtak mi Inn le Lo va zoh ta ding in an Khua an luhnak ah Kawl Ralhrang Ralkap he an i tong sual i, tlaih an ton le vuak an ton hi a si. A cheukhat cu hri in an tem hna hnu ah an tlerh hna i an lu bak ah fak tak in an vuak hna tiah Khua mi pakhat nih a chim.

October 12 zongah khan Kawl Ralhrang Ralkap le Kokant Hriamtlai Phu an i kap i, Kawl Ralhrang Ralkap nih Hriamnam Ngan an kah mi nih Pogon Khua a khen i, Khua mi Minung 6 hliamhma an tuar tiah a si.

Credit Photo: Irrawaddy

Be the first to comment on "An Zaamtak Mi Inn Le Lo A Rak Bih Ta Ralzaam Cheukhat Kawl Ralhrang Ralkap Nih An Tlaih Hna i An Hrem Hna"

Leave a comment

Your email address will not be published.


*