Vawlei Cung Ah Hibantuk In A Lih Mi Hi Kawlram Mi Chungah Kawl Ralhrang Ralkap A Dirpi Tu Lawng An Si Rua Ka Ti

Kawlram chung um mipi nih Kawl Ralhrang Ralkap an tthat le tthat lo cu mit hmuh kut tawngh bak in theih dih mi an si. Kawl Ralhrang Ralkap nih an tuah mi cu sualnak a ngei lo mi Mipi tlaih, thawngthlak, hrem, thah, tlaihhrem, Inn le lo khangh, mi thil fir tibantuk, a dang tampi rih, an thiltuah mi paoh hi a ttha mi thil pakhat hmanh an tuah mi hmuhbkhawh a um bal rih lo.

Tutan hoi hna ahcun Vawlei cung ah a lih bik hi Kawl Ralhrang Ralkap le a dirpi tu hi an si nak a lang chinchin. Kawl Ralhrang Ralkap a dirpi tu Media pakhat Royal News Agency timi Page nih October 10 ah khan, “PDF nih Mipi Inn an khangh lengah Ral thawhnak an chuahpi i, Kaya, Kayin, Shan, Pekhu, Mon, Tanintharri ah Minung Tingkhat le cheu cu an Inn le Lo an chuah tak tiah” a tial.

Vawlei cung Rampi hmanh nih Kawl Ralhrang Ralkap an bawn lo ning le an tthat lo ning cu an i fian tuk cang. A tu ahcun dirpi awk zongah an rel ti lo, an fuak tuk cang. Nain, a tu tiang lih le hrokhrawl cu an i zuam peng ve rih. Mipi nih Kawl Ralhrang Ralkap pawl zumh i dirpi lo ding a biapi tuk. A rauhhlan ah Kawlram Mipi nih Kawl Ralhrang Ralkap pawl cu kan tei hrimhrim cang hna lai. Mipi kan lung i rual hi a biapi tuk.

Mizzima

 

Be the first to comment on "Vawlei Cung Ah Hibantuk In A Lih Mi Hi Kawlram Mi Chungah Kawl Ralhrang Ralkap A Dirpi Tu Lawng An Si Rua Ka Ti"

Leave a comment

Your email address will not be published.


*