Yangon Thamine Lansung City Mart Hmai Motor Peke Zung Pawngah Bom A Puak

Yangon Thamine Lansung City Mart hmai Motor Pike Zung pawngah October 11, Chun Suimilaam 1:30pm hrawngah Bom a puak i, Kawl Ralhrang Ralkap cheukhat hliamhma an pu tiah theih a si.

“Motor Pike Zung ahhin Kawl Ralhrang Ralkap pawl cu nifatinte an um peng, an cawnh peng i, a pawnghrawng ah Food Panda Eidin Rawl a chantu Mino zong an um tawn ve. Bom a puah thawng hi a thang ngaingai, voi 2 a puah thawng ka theih. Food Panda Eidin chantu Mino pakhat zong hliamhma a pu tiah” a hmu thei tu Mayangone Myone um Minung pakhat nih a chim.

Bom puahnak a dih hnu ah Thamine Lansung Lam 4 aa tonnak pawl ah Kawl Ralhrang Ralkap pawl nih an phihkham i chekhlat kawlnak le dothlatnak an tuah cuahmah.

Myone kip ah Mipi Ralkap PDF le Kawl Ralhrang Ralkap an i tuk doh ning a zualhma chin, a cei chin lengmang. Cucaahcun Mipi Ralkap PDF lei nih Mipi pawl cu a herh lo ah nan vak lai lo, a leng nan chuak lai lo tiah thwngthanh nak an tuah lengah Kawl Ralhrang Ralkap he naihniam in nan um hrimhrim lai lo tiah thawngthanhnak an tuah.

DVB TV News

Be the first to comment on "Yangon Thamine Lansung City Mart Hmai Motor Peke Zung Pawngah Bom A Puak"

Leave a comment

Your email address will not be published.


*