Thaketa Ah Kawl Ralhrang Ti Ralkap Sakhan Hmai Ah Bom 2 A Puak

Yangon Thaketa Myone chungah a um mi Kawl Ralhrang Ti Ralkap Sakhan hmai ah October 10 zinglei hrawngah Bom voi 2 a puak i, Kawl Ralhrang Ralkap Minung 3 hliamhma an pu tiah theih a si.

Zinglei suimilaam 8:00am a tlin lai hrawngah a voikhatnak Bom a puah hi a si. Mah hnu ahcun Kawl Ralhrang Ralkap pawl nih cheknak an tuah i, mah ahcun Kawl Ralhrang Ralkap Minung 1 hliamhma a pu tiah BFRAF nih an langhter.

Cu hnu ahcun Kawl Ralhrang Ralkap cu a voikhatnak Bom a puahnak hmun ah cheknak le dothlatnak tuah ah an kal than i, a voi 2 nak Bom puah hnawh an tong than hi a si. Cu ahcun Kawl Ralhrang Ralkap 2 hliamhma an pu than.

Bom puahnak hliamhma a pu mi Kawl Ralhrang Ralkap Minung 3 cu Mizaw phorhnak Motor in an kalpi cawlh hna. An pathum ning in a thi kho mi an si tiah BFRAF Phu nih an langhter chih.

Bom puahnak a can bak in Kawl Ralhrang Ralkap cheukhat cu Double Cab Motor in an ra cawlh i, inn chung inn lengah chuak in aa chawklet mi Mipi cheukhat cu an lau tuk i, inn chungah an tli zaam hna. Nain a tu cu thawngpaang a dai ngai cang tiah an chim.

BBC Burmese

Be the first to comment on "Thaketa Ah Kawl Ralhrang Ti Ralkap Sakhan Hmai Ah Bom 2 A Puak"

Leave a comment

Your email address will not be published.


*