Mipi Ralkap Pasal Tha PPDF Nih Kawl Ralhrang Ralkap Minung 18 An Thah Hna

Sagaing Ramthen, Pale Myone ah Cycle aa cit mi Kawl Ralhrang Ralkap pawl cu Mipi Ralkap PPDF nih October 10 Zinglei Suimilaam 9:00am hrawngah Bom in an puah hna i, an Cycle 3 a rawh lengah Minung 6 an nunnak a liam.

Cu hnu ahcun Kawl Ralhrang Ralkap pawl cu Express Motor in an vun ra than i, Mipi Ralkap PPDF nih Bom in an puah than hna caah an Motor aa let. Mah ah a thi mi Kawl Ralhrang Ralkap pawl hi pazet dah an si timi fiang in kan thei kho lo tiah Mipi Ralkap PPDF nih an langhter.

Mah thil a can dih hnu, Zinglei Suimilaam 10:45am hrawngah Pale Myone chung thiam ah Kawl Ralhrang Palek Motor pakhat cu Mipi Ralkap PPDF nih Bom in an puah than hna i, Kawl Ralhrang Palek an dihlak ruahdamh in Minung 12 hrawng an thi lai tiah Mipi Ralkap PPDF nih an langhter.

A tawi fiannak cun Sagaing Ramthen, Pale Myone chung lawngah October 10, nihin lawngah Kawl Ralhrang Ralkap le Palek pawl cu Mipi Ralkap PPDF nih Minung 18 an thah hna, thawngttha ngaingai a si.

Source: Khit Thit Media

Credit: Photo

Be the first to comment on "Mipi Ralkap Pasal Tha PPDF Nih Kawl Ralhrang Ralkap Minung 18 An Thah Hna"

Leave a comment

Your email address will not be published.


*