SAC Nih October Thlachung Ah Chin Ram Ah Ralhrang Thazaang Ka Chap Lai A Ti Mi Cu A Chap Pah Cang

Chin ram ah ralhrang minung 350 October thla chung ah kan chap lai an timi cu September 11 ah Chnn ram ah chap an si cang tiah Chindwin Times nih a langhter.

Mon ram chung a um mi le Bago ramchung a um mi Senthum in a taanglei pohpoh Ralkap, PK le Police hna cu Chin ram ah 350 chap an si lai tiah Mizaama nih cun a chim. Chin ram ah ralkap a thimi kan tlawm ti lo Chin ram hi bia tak tein thazaang kan chuah i kan doh a hau ti zong ah SAC lei nih an chim lenmi thawngpang theih a si.

Police cheukhat le PK Mawtaw le Mawtaw cycle a kan tlai lengmang mi hna nih cun meithal kan tlaih lonak a sau tuk cang, zeitin dah meithal tlaih in ral cu kan doh ngam lai, cu pin lo ah Chin ram cu kan doh ngam lai lo tiah an mah le an mah an i caih mi theih a si tiah Mon ramchung um mi Media nih cun a chim. Ralkap siseh Police si hna seh Chin ram doh ding cu an rak tih ngaingai ti a fiang. Cu thawngpang cu SAC nih an theih an theih tik ah an zaam sual lai tiah tha tein le felfai tein scurity an chiah i an cawngh hna tiah The Arrawady nih cun a langhter.

A tu bantuk in SAC nih October thla chung ah Chin ram ah thazaang chap a si lai a ti mi cu September 11 ah chap a si cang tiah Chindwin times nih cun a langhter mi hi SAC an thluak le an Ngian in thawngthanh i rian tuan an i tim tinak hi fiang tein hngalh khawh a si.

Crd: Mizzama, Chindwin Times

Be the first to comment on "SAC Nih October Thlachung Ah Chin Ram Ah Ralhrang Thazaang Ka Chap Lai A Ti Mi Cu A Chap Pah Cang"

Leave a comment

Your email address will not be published.


*