U Saw Kyi Win Nih Lamkam Ah Uico Nih A Ei Mi Rawl Cu A Cuh i, Mithli Tla In Mahtihin A Ei

U Saw Kyi Win nih Lamkam ah Uico nih a ei cuahmah mi rawl cu a cuh riangmang i, mitthli tla in a ei. U Saw Kyi Win cu lamkam ah thawlchia hmunthur pawl a khawm i, Hringtu a pa Kum 75 le Hringtu a nu Kum 70 a zohkhenhtu i, a cawmkengtu a si.

 

 

U Saw Kyi Win cu Lamkam ah rawl an hlonh mi, Uico nih an ei mi pawl khi mitthli tla in a ei lengmang. U Saw Kyi Win nih lamkam Uico ei mi rawl a cuh i, a ei cuahmah lio cu One Star Snack Mibawmchantu hna nih an hmuh i, an zaang a fak tuk. Lamkam rawl a ei cuahmah mi cu ei hrimhrim hlah tiah an thlaoh len hnu ah a ngawl . Cu hnu ahcun Rawl bu khat an pek i, an eiter. Rawl bu khat an pek mi te cu a dih lak in a ei lo i, Inn ah ka ei thante tiah a nulepa ei awk ah a put hna.

 

 

One Star Snack Mibawmchantu nih U Saw Kyi Win nih lamkam Uico ei mi rawl a einak cu video hna an thlak i, rawl bu pawl le changreu pawl an pek. Hika hmun ahhin ni dang zongah van ra thante law, rawl kan in pek thante lai tiah an cah tak. U Saw Kyi Win nih ka Khua cu Kayin a si tiah a chimh hna.

 

 

video/https://www.facebook.com/watch/?v=452678116138391

Credit:

Be the first to comment on "U Saw Kyi Win Nih Lamkam Ah Uico Nih A Ei Mi Rawl Cu A Cuh i, Mithli Tla In Mahtihin A Ei"

Leave a comment

Your email address will not be published.


*