Tonnak A Ngei Mi Nungak Tlangval An Thilri A Chuttu Hna An Tlaih Khawh Hna

2021 January 20 zaan suimilaam 9:30pm hrawngah khan Shan Pyine,  Tachileik Myo, San Sai (B) Sang, San Lin Phyo Company pawng , vawlei a lawnnak, minung umtuk lo nak hmun ah nungak tlangval Maung Nyein Thet San le Ma Nan Moe cu Cycle in an kal i, tonnak an ngei. Cu lio ahcun a ho ti theih lomi minung 2 an rak phan i, an Cycle an dirter mi cu a fir hnik bantuk in an um caah Maung Nyein Thet San nih Hey! zeidah nan tuah tiah a ti hna. Cucaahcun Maung Nyei Thet San cu minung 2 nihcun an kal hnawh i, nam in an tlerh hnu ah an vuak len.

 

 

Cu hnu ahcun tonnak a ngei mi nungak tlangval Maung Nyein Thet San le Ma Nan Moe an ngeih mi thilri pawl cu an chuh dih hna i, an zaamtak hna. Thilri chuh an ton mi pawl hi Cycle ZOOMAR-X  1, IPhone-12 pakhat, IPhone-8 pakhat, VIVO Phone pakhat, KBZ Bank Card pakhat, Thailand Phaisa Thawng 2 a ummi le China Pixue pakhat, a dih lak ah Phaisa fang in Ting 56 hrawng an chuh hna.

 

 

January 21 ah khan Tachileik Palik nih mi thil a chuttu minung 4 an tlaih hna cu Maung Nyein Thet San nih a theih caah a va zoh hna i, an thilri pawl a chuttu minung 2 an i tel cu a hmuh hna. An thilri pawl a chuttu minung 2 hi Ye Naung le Wa Khaung or Nyian Lin Htun an si. A tu ahcun Ye Naung le Wa Khaung or Nyian Lin Htun cu Techileik Palikk Sakhan ah hren an si cang i, dantatnak pek ding in timhtuah an si cang.

 

Ref: SH.M.T

 

Be the first to comment on "Tonnak A Ngei Mi Nungak Tlangval An Thilri A Chuttu Hna An Tlaih Khawh Hna"

Leave a comment

Your email address will not be published.


*