Nihin Zaanlei Yangon Thilcang Hi Tihnung Ngai, Ralrinding Bak A Si

2021 January 22 chunhnu suimilaam 3:00pm hrawngah khan Yangon, Tamwe caankhat chung hun mi Bazar hmai ah aa hruhter mi Nu pakhat nih lam a kal thluahmah mi Nu pakhat a Phone bak hringhrim in a chuh.

 

 

Mipi pawl nih Palik Sakhan ah theihternak an tuah cawlh caah Tamwe Myoma Palik Sakhan rianngeitu Ko Zaw Min Htike le a riantuantu hna an rak phan cawlh i, Mi Phone hringhrin in a chuttu Nu cu an tlaih i, dantatnak pek ding in timhtuah a si cang.

 

 

Phone chuh a tong mi Nu hi Yangon Bahan Myone ah a um mi a si. “Phone hringhrin in a ka chuh mi cu ka chuh khawh than, ai lak kho lo. Phone hringhrim in a ka chuh lio ahhin mitling a si ko. Mi hrut a si lo. Mipi pawl nih an tlaih hnu le an but hnu ah Mi hrut bantuk in aa umter mi a si tiah” Phone chuh a tong mi Nu nih a chim. Hibantuk Nu hi Yangon Tamwe Myone ah a um mi, mipi pawl i ralring cio u tiah an langhter chih.

 

 

Yangon hi Laimi tampi kan umnak a si ve bantuk in a leng kan chuah tik ah fimkhurten um a hau. Zawtnak chungahhin Fir in a vak mi le Mi thil hringhrim in chuh a hmang mi, Misual an tamtuk cang. Ralrinnak ngeih paoh hi a ttha mi a si.

 

 

Shwe San

Regional News Group

Be the first to comment on "Nihin Zaanlei Yangon Thilcang Hi Tihnung Ngai, Ralrinding Bak A Si"

Leave a comment

Your email address will not be published.


*