Kum 25 Tlangval Pa Nih A Farnu Kum 17 A Sualpi Lengmangnak In Fa A Pawi Caah An Tlaih

Shan Pyine, Ywangan Myone, Koe Su Kyauk Khua ah Kum 25 tlangval pa nih chuakti khat a farnu Kum 17 Nungak Nute cu a tlerh hnu ah a duh na loin a sualpi lengmang i, fa a pawi caah January 22 ah dantatnak pek ding in tlaih a si cang.

 

 

Thilcan ning cu Ywangan Myone, Koe Su Kyauk Khua ah a um mi Tang 9 Sianghngakchia Kum 17 Nungak Nute cu a paw a puar deuh ngaingai cu an hmuh caah January 21 zaanlei hrawngah Hringtu a nu nih thilsi ning vialte a hal dih.

 

Tang 9 Sianghngakchia Kum 17 Nungak Nute nih Hringtu a nu cu mahtihin a chimh dih. “January 18 chun hrawngah khan ka tta Kum 25 nih na um lo kar ah ka duh na loin a ka sualpi. Tang 4 ka cawn thawk in ka tta Kum 25 nih a ka sualpi cang. Zerh khat ah voikhat hrawng lengmang a ka sualpi. Kan sualpi mi hi a hohmanh na chim hna lai lo tiah a ka tlerh tiah” Tang 9 Sianghngakchia Kum 17 Nungak Nute nih Hringtu a nu cu a chimh dih.

 

 

Cucaahcun a unau chuakti khat a farnu a tlerh i, fapawi lak tiang a sualpi lengmangtu Kum 25 tlangval pa cu Ywangan Palik Sakhan ah (ပ) 21/2021 Yarzartatkyi Pohmah 376 in dantatnak pek ding timhtuah a si ve cang.

 

Ref: KBZTai Shan News

Be the first to comment on "Kum 25 Tlangval Pa Nih A Farnu Kum 17 A Sualpi Lengmangnak In Fa A Pawi Caah An Tlaih"

Leave a comment

Your email address will not be published.


*