Tu Zaanlei Ah Mintami Khine Hnin Wai Nih Mahtihin A Langhter Than

2021 January 14 zaanlei sangah Mintami Khine Hnin Wai nih mahtihin a van langhter than. “Yangon Dala Hmunthur pung chungah Nauchuakka te pa pakhat an hlonh than. A laihri pawngah thi le hnai a um len. A tu hi Sii-inn ah kan kalpi. Ka fapa te a vanttha ko seh tiah” a van langhter.

 

 

2021 chung January 1 in, January 14 tiangah Mintami Khine Hnin Wai sin ahhin Nauchuakka an hlonh mi minung 3 bak an phan cang. Kawlram chung Nauchuakka hlonh a tam khawh ning hi cu a poi bak ko. A tang hi tuandeuh ah a langhter mi an si, van rel chap ko.

 

 

2021 January 5 ah Mintami Khine Hnin Wai nih mahtihin a van langhter than. “Nauchuakka fapa te hlonh a tong than e. Yangon North Dagon, Swetawphoe lam, Sang 48 nak ah Nauchuakka fapa te an hlonh than. Moe Sat chiatnak tthatnak Mibawmchantu hna nih ka sin ah pehtlaihnak a kan tuah i, theihternak a kan tuah. Nauchuakka fapa te cu Siizung ah kan kalpi i, a ke i, an awih mi ah a nu min zong, a pa min zong ai tel caah ka lung a ttha lo tuk. Kan mah “Khine” Chungkhar nih kan i cawm ding mi 43 nak a si tiah” a van langhter.

 

 

Van Relchap Ko: 2021 January 3 zongah Mintami Khine Hnin Wai nih Nauchuakka te an hlonh mi pakhat cu cawm awk ah a lak i, a cawnghhramh cuahmah lio a si.  January 3 ah Nauchuakka te an hlonh mi cu Zu nih an seh i, a kut sialpi le a kutdong a tlau. A hnar zong a beuh chih rih. A tu hi Mintami Khine Hnin Wai nih Yango Insein Siizung ah a thlopbul cuahmah lio a si tiah theih a si.

 

 

Myanmar Mintami Minthang Khine Hnin Wai cu mi dawh ngai a si lengah a thinlung put a ttha i, a ziaza zong a ttha ngai mi a si. A nih hi Anupingngia rian lawng a tuan mi si loin, mibawmhchawnh rian siseh, nulepa ngei lomi Hngakchia tete cawmnak Sianginn a tuahtu zong a si. Mintami dirhmun in a riantuan ning cu upat awk tlak ngai a si.

 

 

Mintami Khine Hnin Wai nih Nulepa ngei lo Nauchuakka tete a cawm mi hi 44 an si cang. A tu ni a lak mi Hngakchia pate hi 44 nak a si tiah theih a si.

 

Source: Khine Hnin Wai

Be the first to comment on "Tu Zaanlei Ah Mintami Khine Hnin Wai Nih Mahtihin A Langhter Than"

Leave a comment

Your email address will not be published.


*