Kum 16 Nungak Nute Cu A Tlangvalpa Nih A Duh Na Loin A Sualpi Caah Tazacuai A Si

Yangon ah Kum 16 Nungak Nute pakhat cu a tlangval pa nih chuah ni lawmhnak (Birth Day) puai kal ding in a sawm i, an i ton hnu ah a tlerh len i, voi tampi a tlaihhrem ruangah January 11 ah khan Tazacuai a si tiah theih a si.

 

 

Yangon Shwe Pyi Thar Myone ah a um mi Kum 16 Nungak Nute cu tuahdeuh lio ah khan a tlangval Wai Yan Oo nih Chuah Nii (Birth Day) Puai ah kalti ding in Phone a chawnh i, Shwe Pyi Thar Myo, Ahmat 9 Sang, 999 Sianginn pawngah kan i tong lai tiah a ti. Cucaahcun Kum 16 Nungak Nute cu a tlangval pa nih a chim ning bantuk tein a mah lawng a kal.

 

Kum 16 Nungak Nute le a tlangval pa Wai Yan Oo cu an i tong i, Kum 16 Nungak Nute nih a tlangval Wai Yan Oo cu a ho Chuah Nii (Birth Day) dah a si tiah a hal? Wai Yan Oo nih, “Nangmah kan fir lai i, kan zaampi lai. Na duh lo le na ka zulh lo ahcun pakhat khat ka tuah lai tiah” a tlerh. Cu hnu ahcun Wai Yan Oo nih Kum 16 a Nungak Nute cu Hlaingthar a Chungkhat Inn ah a kalpi i, Nii 3 chung bak a umpi hnu ah January 10 ah khan a Inn ah a tinter than. Nii 3 chung a umpi chungahhin a duh na loin voi 9 bak a sualpi.

 

 

Cucaahcun Kum 16 Nungak Nute a duh na loin voi 9 tiang a sualpi tu Wai Yan Oo Kum 19 cu dantatnak kan pek piak u tiah Palik Sakhan ah theihternak an tuah cawlh ve. January 11 ah khan Wai Yan Oo Kum 19 cu Palik nih an tlaih ve cang i, Shwe Pyi Thar Myoma Palik Sakhan ah (ပ) 25/2021 Yarzartatkyi Pohmah 366/376 in dantatnak pek ding timhtuah a si ve cang.

 

Ref: T.P.M.G

 

Be the first to comment on "Kum 16 Nungak Nute Cu A Tlangvalpa Nih A Duh Na Loin A Sualpi Caah Tazacuai A Si"

Leave a comment

Your email address will not be published.


*