Hringtu Nu Caah Tuar A Har Bak Ko Lai Mu

2021 January 10 zaan suimilaam 10:00pm hrawngah khan Sagaing Ramthen, Salin Gyi Myone, Min Taw Khua ah Kum 3 le Thla 6 Hngakchia Nute cu a pu U Kyaw Nyein Inn i a ih lio ah Unau chuak khat a simi Ko Win Phyo Kum 22 le Ko Min Moe Kum 20 nih an lak i, Lei Thlam ah an kalpi. Lei Thlam chungah Ko Win Moe Kum 20 nih Kum 3 le Thla 6 Hngakchia Nute cu aa hngilh lio ah a tlaihhrem hmasa hnu ah Ko Win Phyo Kum 22 nih a tlaihhrem than ve lio ah aa hlau i, a hngawng a dih, a kut tum bak in a thawngh chih ruangah a nunnak a liam tiah Palik Bawi Aung Thet Paing Moe nih T.C.P News Agency ah a chim.

 

 

A nunnak a liam mi Kum 3 le Thla 6 Hngakchia Nute a Inn le a pu U Kyaw Nyein Inn hi Hauka lawng nih a dan hna. Kum 3 le Thla 6 Hngakchia Nute cu Inn ah a tin bal ti lo caah Hringtu a nu nih a pu Inn ahcun a va zoh i, a tlau cu a theih. Cucaahcun Kum 3 le Thla 3 Hngakchia Nute le Unau chuak khat a simi Ko Win Phyo Kum 22 le Ko Min Moe Kum 20 cu an kawl cawlh ko hna nain, an hmu hna lo. Cu hnu ahcun Zinglei suimilaam 4:30am hrawngah  a pu Kyaw Nyein Inn hmai hauka kam le Mei Tung karlak ah  Kum 3 le Thla 6 Hngakchia Nute cu a ruak in an hmuh.

 

 

Cucaahcun Kum 3 le Thla 6 Hngakchia Nute a tlaihhrem i, a thattu Unau chuak khat a simi Ko Win Phyo Kum 22 le Ko Min Moe Kum 20 cu Palik nih an tlaih ve cang hna i, Salin Gyi Palik Sakhan ah (ပ) 7/2021 Yarzartatkyi Pohmah 376/302/114 in dantatnak pek ding timhtuah an si ve cang tiah theih a si.

 

T.C.P News Agency

 

 

Be the first to comment on "Hringtu Nu Caah Tuar A Har Bak Ko Lai Mu"

Leave a comment

Your email address will not be published.


*