Nurse Sayamakyi Nu Hmanh A Himti Lo, A Nunnak A Liam Ruangmang

Hinthada Pyituh Siizung Nurse Sayamakyi Daw Than Than cu January 11 zaan suimilaam 9:15pm hrawngah Yangon Myo Oo Kalapa Siizungpi ah Covid-19 in a nunnak a liam tiah thawngtheih a si. R.I.P

 

 

Thawngpaang Dang>>>>>>>>>

2021 January 12 Zinglei suimilaam 3:30am hrawngah Falam Khuapi Lan-sung ah Inn kanghnak in Minung 2 Sayamah Mang Hlei Zing (Kum 69) le Nu Rah Thang (Kum 42) an nunnak a liam tiah thawngtheih a si. Inn a kang mi hi a dih lak ah Inn 6 a si i, zinglei suimilaam 5:30am tluk ah Mei an thah khawh.

 

Inn kangh hi Sayamah Mang Hlei Zing (Kum 69) Inn Electric Meipung in ai thawk mi a si tiah theih a si. Falam Community Media nih Falam Inn kangh mi kong ah mahtihin an van langhter.

 

“Farțhawk vengih Pi Mang Hlei Zing (kum 69) cun khuasik ruangah electric meipung cu a ihnak kiangah ret in a it. Cuih electric meipung ihsin meisa a kaang thok tiah Falam meithat zungin an sim. Meisa ruangah Pi Mang Hlei Zing le a umpi Nu Rah Thang (kum 42) cu an nunnak a liam. Meisa kaang cun: 1. Pi Mang Hlei Zing ih 30′ x 30′ dothnih thing inn 1. 2. Pu Run Rem Thuan ih 30′ x 40′ dotkhat thing inn 1. 3. Pu Ci Hem ih 30′ x 40′ dothnih thing inn 1. 4. Pu Hram Dim ih 30′ x 20′ dothnih thing inn 1. 5. Pi Hrin Thiam ih 30′ x. Pi Hrin Thiam ih 30′ x 20′ dothnih thing inn 1 le Pu Zaw Tun ih 20′ x 20′ dothnih thinginn 1 pawl a kaangral.

 

Meikaang harsa tuar pawl cu atu ah sungkhat neihniam inn pawl ah an beu sung a si. Harsa tuar pawl bawm cio dingin leitlun killi ih zate hnen ah Global Chin (Falam) Organization – GCO cun sawmthannak a nei ih Falam khua nu/pa thawn țuan tlaangin Meikaang bomnak tiin KBZ bank le Myanmar Economic Bank (MEC) ah account dang te an phuan tum tiah theih a si. Cumi hlan ih a pekhlan duhtu pawl cun Salai Nhgepi hnen ah pehtlai a theih tiah an sim.

 

Tuandeuhte zongah Hakha Inn kanghnak in minung 1 a thi i, Tutan Falam Inn kanghnak zongah minung 2 bak an thi than i, ngaih a chia ngai. Inn kangh ai thawk ning zong ai khat ngaingai. Mei hman i ralrin ngaingai a hau.

 

Credit: Falam Community Media

Be the first to comment on "Nurse Sayamakyi Nu Hmanh A Himti Lo, A Nunnak A Liam Ruangmang"

Leave a comment

Your email address will not be published.


*