Motor Cycle Ai Cit Mi Ramlak Cakei Tihnung Tak Mi Nih A Dawi+VIDEO

India Ram ah Motor Cycle ai cit mi pakhat cu a hnulei in Cakei tihnung tak nih a dawinak video file cu minung pakhat nih Social Media chungah a langhter i, minung tampi nih an tih ngai cio i, an lau ngaingai. Video chungahcun Motor lampi ah Motor Cycle ai cit mi pakhat cu Ramlak bak in Cakei tihnung tak a rak chuak i, Motor Cycle rang taktak in a mawnghnak cu hmuhkhawh a si.

 

 

India Ram, Ramlak Saram zohkhenh lei riantuantu hna nih ,”Kerala State, Wayanad District Muthanga Wildlife Sanctuary ah mah video hi record an tuah mi a si tiah” an langhter.

 

 

Ramlak Saram zohkhenh lei riantuantu hna nih, “Motor Cycle ai cit pa cu Cakei nih a rak hnawh cu a hmuh caah a lau tuk i, a tih tuk caah a au chih i, Ramlak Cakei tihnung tak mi nihcun a zuldawi ti lo. A vantthat ruangah a au mi cu Cakei a lau ve i, a kal tak than hi a si. Ramlak Cakei tihnung tak mi hi suimilaam 1 ah Kilometer 65 tiang an tli kho tiah” an langhter. Mah video file a zohtu paoh nih an tih ngai cio i, a lar ngaingai. A tangah video zohkhawh a si.

 

VIDEO

Be the first to comment on "Motor Cycle Ai Cit Mi Ramlak Cakei Tihnung Tak Mi Nih A Dawi+VIDEO"

Leave a comment

Your email address will not be published.


*