Indonesia Vanlawng A Rawh Thawk Ten Mipi Tap Le Hram In An Umnak+Video

Indonesia Vanlawng a hramthawkten a rawhnak zohkhawh a si. Mipi pawl cu ngaihchia le tap hram in thla an cam len cio hna. Van zoh ahhin ngaihchia te bak a si. A tangbik ah video zohkhawh a si lai.

 

 

Relchap Zuammi Caah: 2021 January 9 zaanlei suimilaam 2:00pm leng hrawngah Indonesia Ram, Jakarta in a chuak mi Vanlawng (Sriwijaya Air Flight SJ 182) cu Minute 4 hrawng a zuan ah Rili cungah a tla tiah theih a si. Vanlawng chung riantuantu hna le khualtlawng dih lak hi an thi dih ko lai tiah zumh a si. Vanlawng chungah minung 62 an um. Cu chungah Hngakchia minung 7 an si. Vanlawng a chuah Minute 4 hrawngah pe 10000 leng hrawng in a rawh caah Rili ah a tlak hi a si tiah an langhter.

 

Vanlawng a rawh le a tlak hi Minute chung lawngah a si i, a tu ahcun Rili pe 75 hrawng a thuhnak ah Vanlawng a rawk mi thilri tlawmpal an lak khawh mi zong a um cang tiah theih a si. Vanlawng chung khualtlawng minung 50 chungahhin minung 43 cu nutling patling an si cang hna i, minung 7 belte cu Hngakchia tete an si. Minung 12 hi Vanlawng chung riantuantu hna an si.

 

Mah Vanlawng ai cit mi Indonesia Hringtu nu Ratih Windania nih Vanlawng rawhnak le Rili cung tlaknak an ton hlan Minute tlawmpalte a duh bak ah a Instagram ah a donghnak bik an Chungkhar hmanthlak a langhter mi a um i, mipi an ngaihchiat ning a zual khun. Hringtu nu Ratih Windania cu hibantuk Vanlawng rawhnak le rili cung tlaknak an ton hlante ahhin a fale he nuamten Vanlawng chungah hman an i thla. Mah an hmanthlak cu an chungkhar cingla rualchan le an hawi le nih an hmuh tik ahcun an celh hrim lo, an ngaih a chia kho tuk.

 

Hringtu nu Ratih Windania nih an hmanthlak a langhter mi ah ca a tial chih mi cu, “Chungkhar dih lak ning in mangtha dih hna u! a tu hi  Khua ah kan tlung cang lai tiah” a langhter hi a si. Mahtin a langhter mi cu Vanlawng a rawh le rili cung a tla timi thawng an theih sin in Ratih Windania a ttapa nih an hmanthlak cu Instagram ah a thar in mipi hmuhtheihnak ah a langhter than i, an caah thlacam piak ve hna u tiah ca a tial ve.

 

 

VIDEO

Be the first to comment on "Indonesia Vanlawng A Rawh Thawk Ten Mipi Tap Le Hram In An Umnak+Video"

Leave a comment

Your email address will not be published.


*