Vlogger Pa Pakhat Nih Nungak Tampi A Hlaoh Len Hna

Xu tiah auh mi China pa pakhat cu Weibo ah nihchuak capo nak ,video (Prank) pawl a langhter lengmangtu Vlogger pakhat a si. Xu tiah auh mi pa cu China Ram, Shanghai City ah lam ai chawk let mi nungak pawl cu nan ttang-an ah ka hmai ka chiah lai i, Phaisa 10RBM (thawnghnih dengmang)  kan pek hna lai i, China mibawmchantu hna ka hlut hna lai tiah a copo peng hna. Mahtin a ti mi hna cu nungak pawl zong an lung a tling i, a tuah taktak hna.

 

 

Mahtin nungak tampi an ttang-an a tuah hna nak cu video record tthaten a tuah i, mipi hmuhnak in a langhter. Minung tam taktak nih an zoh i, a lar ngaingai.

 

 

Nungak tampi an ttang le an cukcuk a tongh lengmang hna nak cu video record ttha tak in a tuah dih hnu ah mipi hmuhnak in a langhter i, mipi nih an zoh duh taktak  mi ah a cang. Nain, Nungak pawl cu phaisa kan pek hna lai a ti ko hna bu ah a hohmanh phaisa a pe taktak hna lo. Cucaahcun a cheukhat cu an thin a hung ngaingai. Hibantuk video record a tuah mi hi a voikhatnak lawng a si lo.

 

 

Tuandeuh lio zongah mithlen kan piah hna lai tiah a ti hna i, nungak pakhat a cukcuk a tlaih piak caah Palik nih an tlaih bal cang.
A tutan ah video record a tuah thar mi hrim hi cu mipi hmuhnak in a hunglar tuk i, nungak pawl cu an lung a fak, dantatnak pek phu a si tiah an chim cang. Mahtin a tuah mi nungak pawl hi lemcang a tuan mi maw an si? a silo ah mi sawhsawh dah an si timi cheknak an tuah lio a si tiah theih a si.

Credit:

Be the first to comment on "Vlogger Pa Pakhat Nih Nungak Tampi A Hlaoh Len Hna"

Leave a comment

Your email address will not be published.


*