Siizung Riantuan Siibawi(Doctors) Te Daithlan Ruangah A Thi Ding A Si Lomi Ka Tunu Te A Thi

Magway Ramthen, Yenanchaung  Myo, Yenanchaung Siizung ah Rul nih a cuk mi Hngakchia Nute cu Siizung riantuan Siibawi (Doctors) te an daithlan tuk ruangah a thi ding a si lomi, an thihter tiah Chungkhar an lung a fak. Rul cuknak in a thi mi Hngakchia Nute a pu pa nih a ngaihchiatnak le a lungfahnak mahtihin a langhter.

 

 

“Yenanchaung Siizung riantuan Siibawi (Doctor) te an daithlan tuk ruangah a thi ding a si lomi ka Tunu te an thihter. Ka Tunu a cu tu Rul zong kan ken chih ko bu ah zaan 2 chung Siizung ah a kan umter i, ka Tunu te cu mah hngal loin a um hnu lawngah Magway Siizung ah a kan kalter. Ka Tunu te hi an tuah khawh lo ding le an damh khawh lo ding a si ahcun tuanten Magway Siizung ah a kan kalter ding a si. Mah hngal loin a um hnu lawngah Magway Siizungpi ah a kan kalter i, zinglei suimilaam 5:00am hrawngah kan phan. Siizung kan phak ahcun ka Tunu te cu Rul nih a cuknak Siivai cu a takpum chungah a kai dih cang i, a luantuk cang.

 

 

Magway Siizung Sibawi (Doctor) te nih chun ni tlak an i zuam len ko nain, zaan suimilaam 10:00pm hrawngah a nunnak a liam. Ka Tunu te nih zeitluk in dah a tuar timi van ruat cio u, ka thinlung nih a tuar kho lo, ka chim khawh lo ruangah mah hi ca hi ka langhter mi a si tiah” a pupa nih mipi hmuhnak in a langhter hi a si.

 

 

Hngakchia Nute hi 2021 January 8 zaan suimilaam 10:00pm hrawngah a nunnak a liam mi a si. Yenanchaung Siizung riantuan Siibawi (Doctors) te cungah a pupa cu a lungfak tuk i, mah ca a langhternak hi a si.

 

Credit

Be the first to comment on "Siizung Riantuan Siibawi(Doctors) Te Daithlan Ruangah A Thi Ding A Si Lomi Ka Tunu Te A Thi"

Leave a comment

Your email address will not be published.


*