Ketamine Timi Rithaisii Hmannak In Nungak Tlangval Minung 9 Bak An Thi

2021 January 10 ah khan Thailand Ram, Bangkok Khuapi he aa pawngte a simi Pathungthani Khayan Lanluhga Myone ah Mino Phu khat hna cu ritnak Sii zong a si i, lungthin tiang a thleng kho tu Ketamines timi Rithaisii an hmannak in minung 9 a hmun ah an thi. Minung 1 hi Siizung ah an kalpi i, ICU chungah thlopbul cuahmah lio a si. Cu lengah Minung 7 hi Siizung chungah thlopbul le cawnghhramh cuahmah an si.  Ketamine timi Rithaisii hi tuandeuh te khan a lar mi a si i, Mino nih an duh ngai i, an hman ngai mi a si. Ralrinding bak a si. Mino tete an pam bak.

 

 

Thawngpaang Dang>>>>>>>>>>>>>>>>>>>>

Tanintharyi Ramthen, Myeik Khayen, Palaw Myone Ahmat 1 Sang, Sape Lam ah Hmanthlaknak a tuahtu Htet Win Phyu kum 27(Cameraman) le a riantuantu 2 a simi Min Khant Htoo le Aung Min Khant nih 2020 December 26 ah khan  Myeik Myo ah a um mi kumtling rih lomi nungak pakhat cu an riantuantu nu pakhat nih Phone a chawnh i, Model hman i thlak na duh maw? voikhat thlak ah 50000 a si lai tiah a chimh. Cucaahcun Myeik Myo ah a um mi kumtling rih lomi Nungak nute cu Hringtu a nu nih a lungtlinpi i, Model hman i thlak ruah ahcun Inn in an chuak.

 

Tidil kam ah hmanthlak ding in timhtuahnak an ngeih cuahmah lio ah ruah a sur i, Htet Win Phyu (Cameraman) le a riantuantu hna cu an dihlak in Hotel ah an kal i, an dor hna. Mahtin an dor lio ahcun hman ai thla ding mi Myeik Myo ah a um mi kumtling rih lomi nungak nute a au tu an riantuantu nu cu Phone an chawnh caah a chuah tak hna. Htet Win Phyu le a riantuantu hna lawng Hotel ah an tang. Cu lio ahcun Htet Win Phyu nih hman ai thla ding mi kumtling lo nungak nute cu Hotel khan chungah a luhpi.

 

 

Hman ai thla ding mi Kumtling lo nungak nute cu  Htet Win Phyu nih Hotel Khan chungah voi 2 bak a sualpi i, a sualpi lio ah a riantuantu Min Khant Htoo le Aung Min Khant nih hman an thlak hna lengah video te hna an thlak hna. Htet Win Phyu nih kumtling lo nungak nute a tlaihhremnak video le hmanthlak pawl cu 2021 January 9 ah khan online chung bak ah an langhter i, a hunglar taktak.

 

Cucaahcun kumtling lo nungak nute a tlaihhremtu Htet Win Phyu(Cameraman) kum 27 le a riantuantu 2, Min Khant Htoo le Aung Min Khant cu Palik nih an tlaih ve cang hna i, Myeik Myo Palik Sakhan ah Yarzartatkyi Pohmah 363 / 376 /114 in dantatnak pek ding timhtuah an si cang.

 

Credit: Photo, Si Thu Maung

Be the first to comment on "Ketamine Timi Rithaisii Hmannak In Nungak Tlangval Minung 9 Bak An Thi"

Leave a comment

Your email address will not be published.


*