September 16 Zaan Thawngthanh Mi Cu Ngaihchia A Si Than Ko Ee

2020 September 16 zaan suimilaam 8:00pm ah Myanmar Ngandamnak Zung nih thawng a thanh mi cu thawngpaang chia bak a si. September 16 zaan suimilaam 8:00pm ah Covid-19 Zawtnak a ngei thar mi minung 185 an um tiah thawngthanh a si. Kan Kawlram chung September 16 zaan suimilaam 8:00pm tiangah Covid-19 Zawtnak a ngei mi an dih lak ah minung 3,821 an si cang.

Kan Kawlram chung September 16 zaan suimilaam 8:00pm tiang ah Covid-19 Zawtnak a ngei cia mi chung in damnak a hmu i, Siizung in tinter mi an dih lak ah minung 908 an si cang. Siizung in tinter mi hna cu Facility Quarantine ni 14 umter an si hnu ah Home Quarantine ni 7 chung umter an si lai. Kan Kawlram chung September 16 zaan suimilaam 8:00pm tiangah Covid-19 Zawtnak in a nunnak liam mi, minung 40 bak an si cang.

2020 September 15 chun suimilaam 12:00pm in September 16 chun suimilaam 12:00pm chungah Quarantine a lut thar mi an dih lak ah minung 280 an si. Kan Kawlram chung a karh tuk cang, hi zawtnak in kan himkhawhnak dingah tuah a herh mi le zulh a herh tuahtuan i zuam cio hna usih.

 

Be the first to comment on "September 16 Zaan Thawngthanh Mi Cu Ngaihchia A Si Than Ko Ee"

Leave a comment

Your email address will not be published.


*