Kan Kawlrampi Cu Lungleng Ngaihchia A Si Ko Cang

Kan Kawlram chung Covid-19 a karh ning hi a poi taktak cang. 2020 September 16 zinglei suimilaam 8:00am zongah Covid-19 Zawtnak a ngei thar mi minung 134 bak an i chap than. Kan Kawlram chung September 16 zinglei suimilaam 8:00am tiangah Covid-19 Zawtnak a ngei mi an dih lak ah minung 3,636 an si cang.

Kan Kawlram chung September 16 zinglei suimilaam 8:00am tiang ah damnak a hmu i, Siizung in tinter mi an dih lak ah minung 832 an si cang. Siizung in tinter mi hna cu Facility Quarantine ni 14 umter an si hnu ah Home Quarantine ni 7 chung umter an si lai.

Kan Kawlram chung September 16 zinglei suimilaam 8:00am tiangah Covid-19 Zawtnak in a nunnak liam mi, minung 39 bak an si cang.

Kan Kawlram chung Covid-19 a karh tuk cang ning hi tihnung taktak a si, Pathian sin ah thlazacam rih ko hna usihlaw, hi zawtnak in kan himkhawhnak dingah tuah a herh mi le zulh a herh tuahtuan zong i zuam cio hna usih.

Ref: MOSH

Be the first to comment on "Kan Kawlrampi Cu Lungleng Ngaihchia A Si Ko Cang"

Leave a comment

Your email address will not be published.


*