NLD Party Angki He Nupa Sualnak A Tuahtu Le Video A Thla Tu An Theih Cang Hna

NLD Party minchiatter duh ah NLD Party Angki i hruk in nupa sualnak a tuah mi kawpkhat hna le video a thla tu pa cu dantatnak pek ding in timhtuah an si cang.

NLD Party Angki i hruk in nupa sualnak an tuah lio video thlak a tong mi hna cu Naypyidaw, Utayathiri Myone ah a um mi Tant Sin tiah auh mi pa le Ma Khine tiah auh mi nu an si. Nupa sualnak an tuah lio video a thla tu pa hi Kyaw Myint Soe a si tiah an langhter. A tu ahcun an pathum ning in dantatnak pek ding in timhtuah an si cang tiah theih a si.

Hibantuk in nupa sualnak an tuahnak video an i thlak mi hi NLD Party minchiatnak ah tinh chih bu ten an tuah hramhram mi a si. Hibantuk in nupa sualnak an tuah mi video an i thlak hi 2020 September 8 ah a si i, September 8 hi NLD Party minung pawl teinak hmuh dingah mipi sin ah an vah ni a si. Cucaah hibantuk in NLD Party minthiatternak ah an tuah hramhram mi a si.

Hibantuk in sualnak a tuahtu, NLD Party minchiatter a timtu Maung Tant Sin, Ma Khine, Maung Kyaw Min Soe hna cu Upadi ning tein, dantatnak pek ding in timhtuah an si tiah theih a si.

 

Kyaw Swer Eden

Be the first to comment on "NLD Party Angki He Nupa Sualnak A Tuahtu Le Video A Thla Tu An Theih Cang Hna"

Leave a comment

Your email address will not be published.


*